Hamargarren astea

Eta amaiera emateko prozesu guztiari... hausnarketak, ebaluaketak eta jarduerak!!

Klase hasieran, geratzen zitzaizkigun jarduerak egin genituen. Hauek nire ikaskideek proposatu zituzten haien aurkezpenetan. Horrela, whatssapp-a, hot potatoes, eta abar erabili geniten jarduerak burutzeko.

Honetaz gain, eskolako gimnasiora joan ginen azken ebaluaketa egiteko eta azkeneko hausnarketak egiteko.

Horrela, gure lan prozesu guztiari amaiera eman genion.

Laster arte!!

Aurkezpenen koebaluaketa

            Hausnarketa honi dagokionez, esan behar dut klaseko jarrera alde batetik ondo egon dela eta bestetik, ez hain ondo.

            Azken honetan, uste dut, klasearen erritmoa ez dela izan oso ona, eta hau ez dut esaten bertan dauden pertsona batzuk alferrak direlako, baizik eta aurkezpenetan jendea ez delako etorri klasera. Alde batetik, hau ona izan daiteke aurkezpena dutenentzat pertsona gutxiagorekin urduritasun maila ez delako hain handia, baina bestetik, klasera etortzea derrigorrezkoa zen, denoi kostatzen zaigu ohetik altxatzea eta unibertsitatera joatea, aurkezpenak askotan aspergarriak izaten dira eta are gehiago jorratuko den lana ez bazaizu gustatzen.

            Honekin jarraituz, pentsatzen dut klasean egon den giroa txarra izan dela jendea ez delako etorri eta etorri ginenen artean, jendea ez zelako ixiltzen eta horrek urduritasuna sortu dezake.

            Lehenengoa esaten dut uste dudalako denon artean aparteko lana egin dugulako: batzuk dokumentatzaileak izanda arduratu egin dira denon lana batzeaz, eta bestetik, taldeek egin duten lana aberasgarria izan delako bi gauzengatik: lehenengoa, baliabide teknologiko ezberdinak erabili ditugu lanak egiteko aberasgarria izaten talderako, eta bigarrenik, egindako lana oso ona izan delako. Honetaz gain, esan behar dut bakoitzak aportatu duena, nahiz eta, azaldu modu labur batean, egokia izan dela besteontzak uste dut, ez soilik gai bat azaldu dutelako, baizik eta, askotan, erabili duten programak ezagutzen ez zirenak ziren eta baliabide teknologiko hauekin lortzen da klaseak modu interesgarriago batean ematea, askoz bisualagoa, eta gogoratzeko erreza.

Taldearen koebaluaketa

Hasi baino lehen, eta ebaluaketa egin baino lehen, esan behar dut nire taldekideak Miren , Maider eta Gontzal izan direla. Hasieratik, nekien nola lan egiten zuen bakoitzak ezagutzen garelako eta gutxi gorabehera dakidalako zenbat esfortzu egingo zuten.

Guk egindako aurkezpenak ondo egon direla pentsatzen dut. Hau esaten dut, lehenengo lanean PREZI bat egin genuelako, musikarekin, eta prestatzerako orduan denok egon ginelako batzarrean. Bigarrenean, aldiz, ondo egon zen teknografiaren kontzeptua power point batekin azaldu genuelako eta, nire ustez, modu egoki batean, baina, bestetik, aurkezpen hau egiteko soilik lan egin genuen neskek eta hori ez zitzaidan bidezkoa iruditu.

Beste taldeko lanetan, teknografiaren berdina gertatu zen. Hala ere, esan behar da, hauetan pertsona batek ere hartu zuela parte, baina ez guk eginiko hainbeste lan. Hau ez zitzaidan bidezkoa iruditu ere, lan handia egin dugulako orokorrean eta pentsatzen dudalako talde bat garenez, kide guztiek lan egin behar dutela modu aktibo batean.

Hala ere, eta aurrekoa alde batera utzita, esan behar dut orokorrean lan egin dugula eta uste dudala eginiko lana aproposa izan dela eta lan handia egin dugula nahiz eta ikasketa prozesu honetan arazoak aurkitu eta taldeko partaide guztiek ez eman berdina. Honekin batera, aipatu behar dut, gutxienez tokatu zaidala talde bat orokorrean lan egiten duela eta gauzak gogoarekin hartzen duela, eta nire ustez, funtsezkoa izan da lanak egiterako eta aurrera eramaterako orduan.

Azkenik, eta amaitzeko, nire iritzia honako hau da: nahiz eta ez egin dokumentatzaileek egin duten lan izugarria, talde bezala lan egin dugu, gauzak aurrera eraman ditugu eta lagundu dugu besteen ikasketa prozesuan.

Autoebaluazioa

Nire ustez, lauhileko honetan eta irakasgai honetan lan handia egin dudala esan dezaket. Hau deritzot uste dudalako taldearen barruan asko aportatu dudala, ez soilik irakasgai hau gustatzen zitzaidalako, baizik eta lan guztiak ahalik eta hoberen egitea saiatu naiz. Hori dela eta, hona hemen lan ezberdinetan egin dudan ekarpena:

·         Sites-a: Plataforma honekin lan egin ahal izateko arazoak izan genituen pixka bat zaila egiten zitzaigulako nahiz eta pasaden kurtsoan erabili. Hala ere, informatikako kontuetan abilezia daukadala uste dut eta goiz ikasten dut programak erabiltzen. Hori dela eta, erraztasuna izan dut lanak egiterako orduan eta errazagoa izan da guztiontzat. Gainera, honen barruan, diseinuaz aparte, taldekideen koordinazioaz arduratu naiz bidaltzen zer eginbehar zuten. Horretaz gain, lan guztiak igo ditut plataforma honetara. Honi gehitu behar zaio, bideoak  bilatu eta sailkatu ditudala hona igotzeko.

·         Scoop it!: Plataforma honetan soilik erabili dudanez nik bada esan dezaket lan egin dudala hemen arduratu naizelako bideoen, lanen, plataformen eta abarren estekak hona igotzen.

·         Ikaskuntza-gurpilak: lan honetan, biltzarretara joan nintzen lana aurrera eramateko. Hau egin ahal izateko, lehendabizi, testu guztiak inprimatu nituen eta irakurri. Honen ondorioz, bat hartu eta horren laburpena, hitz gakoak, eta abar egin nituen, Mirenekin batera. Horretaz gain, arduratu nintzen preziaz egitea nire taldekideekin batera, eta azkenik, nire aurkezpenaren zatiaz prestatzea.

·         Bloga: honetan, aldiz, saiatu naiz ez solik egunerokoa beratan sartzen, ere bideoak, esteka interesgarriak, klasean erabilitako plataformak, egun bereziak, argazkiak, dokumentuak, eta abar eskegi ditut bertan. Hau egin dut uste dudalako baliagarria izan ahal dela etorkizun batean edo orain diren irakasleentzat, eta noski, niretzat ere bai. Lan honek lagundu nau, alde batetik, hausnartzera, eta bestetik, hezkuntzari buruzko informazioa bilatzera. Esan beharra daukat, plataforma honetan orduak eman ditudala jakiteko nola erabiltzen den eta argi edukitzeko zer egin behar nuen eta nola.

·         Saio teorikoak: hona egun guztietan etorri naiz. Esan behar dut, askotan tentazioa izan dudala beste gauza batzuk egitera joatea lan asko izan dugulako, baina pentsatzen dut denok merezi dugula atentzioa eta klasean egotea benetan funtsezkoa dela nire etorkizunerako.

·         Teknografia: lan honetan, nahiz eta hasieran zaila iruditu, uste dut lan handia egin dudala. Hau esaten dut, alde batetik, hiru aldiz hasi naizelako (bi alditan amaitu eta beste batean soilik hasi), eta bestetik, asko hausnartu dudala gaiaz. Hala ere, zailtasun handiak aurkitu ditut nahi nuelako gauza pertsonal asko ez egotea, eta hori dela eta, nire helburuak bertan sartu ditut. Uste dut lan honetan lan egin dudala denbora asko eraman didalako, asko pentsatu dudalako eta nahiz eta gaixorik egin, aurrera eraman dudalako ahalik eta hoberen.

Azken batean, uste dut lan guztietan lan egin dudala asko eta saiatu naizela gauzak aurrea eramaten modu egoki batean. Azkenik, esan behar dut nire buruari jartzen diodan nota 9 bat dela egin dudan lanagatik.

Nire teknografia

Klasean irakasleak agindu zigun batzuei egin behar genuela gure teknografia propioa. Hasiera batean, erronka bat izan zen ez nekielako zer zen teknografia bat, baina informazioa bilatzen lortu nuen jakitea zer zen: autobiografia bat egitea baliabide teknologikoak erabiltzen.

Hori dela eta, lanean hasi nintzen eta horrela geratu zen nire teknografia:



Ikusten denez,  bideoa ezin da gonbidapenik gabe ikusi.

Honetaz gain, esan behar dut bideo honek haren hausnarketa duela eta honako hau da:

"Lan hau jorratu ahal izateko, lehenik eta behin, bideoak ikusi ondoren, eskema bat egin nuen jakiteko zer jarri nahi nuen nire teknografian eta ohartu nintzen nola nire bizitzan zehar, nahiz eta gertakari esanguratsu batzuk egon irakaslea izateko nahia pizten dutenak, ez zegoen momentu garrantzitsu bat.

Horrela, pentsatzen eta pentsatzen, konturatu nintzen nola egia zen niri umeak asko gustatzen zitzaizkidala eta pentsatzen dudala hezkuntza gizartearen zutabe garrantzitsua dela, bain aharago joanez, egia dena da gogoko dudala jendea motibatzea eta laguntzea.

Hau egiten eta pentsatzen ailegatu nintzen nire helburura: nik nahi dudana da umeei laguntzea haien ametsak eraikitzen (horregatik deitzen da ere nire bloga) nirekin egin duten bezala.

Hau lortu nahi dudanez, hainbat gauza argi ditut: batetik, umeak motibatu nahi ditudala haiek nahi dutena lortzera, nahiz eta bidean arazoak, nahiz eta ez eduki mundu guztiaren euskarri ez izan, haiek lortu behar dutelako nik nahi dutena zoriontsuak izateko; bestetik, hezkuntzak honekin arazo bat duela eta hobe behar dela.

Azken alderdi hau benetan kezkatzen nau ikusten dudalako nola ume guztiek lortzeko nahi dutena, aldaketa handia egon behar dela. Nahi dudana irakasle bezala da: lehenik eta behin, hezitu ikasleak gizarte honetan aurrera joan ahal izateko; bigarrenik, umeak motibatu haiek lortu nahi dutena eskuratzeko; hirugarrenik, teknologiak erabiltzea baina ez erabili metodologia berdinak edo antzekoak; eta azkenik, irakasgai guztiak parean egotea, denak direlako garrantzitsuak, modu batean edo bestean, ondo planteatzen badira, eta modu desberdinetan gure gizartea betetzea garrantzitsua delako."

Azkenik, esan behar dut esperientzia polita izan dela jakiteko benetan zergatik nahi dut izan irakasle eta lagundu didalako nire helburuak pixkanaka-pixkanaka ikusten.

Taldeko teknografia

Hona hemen taldekideek eginiko teknografiaren hausnarketa lanarekin batera:

Teknografia from Ester570

Bederatzigarren astea

Saio hauetan, aurkezpenak izan ditugu: alde batetik, dokumentatzaileek egindako lanetaz, eta bestetik, dokumentatzaileak ez garenek gure aurkezpenak egin ditugu.

Lehenengoak, dokumentatzaileak, haren sitesarekin batera, gai bat jorratu dute teknologiekin batera. Interesgarria izan da, batetik, birpasatu ditudalako ikusitako programa asko, eta bestetik, programa berriak proposatu dizkidatelako eta oso interesgarriak direla uste dudalako.

Honetaz gain eta bigarrenok, teknografiak aurkeztu ditugu. Eta zer da teknografia bat? Bada, azken batean, norberaren biografia eigtea baliabide teknologikoak erabiliz. Hori dela eta, nire taldeak egin duguna, adibidez, izan da: alde batetik, norberaren teknografia prestatu, eta bestetik, taldeko aurkezpena azaltzen gure ikuspuntua eta hausnarketa.

Hala ere, teknografiarena ikusteko, blog honen barruan beste sarrera bat egongo da.

Zortzigarren astea

Aste honetan ez dugu izan klaserik modulu lana dela eta. Hala ere, ladaketa batzuk egin behar dituug sites-ean, munduan dagoen guztia bezala, hobe daitekeelako.


Hala ere, aste honetan ez dugunez izan klasea, hona hemen orainarte klasean ikusi ditugu programa guztiak:

 

 

Zazpigarren astea

Aste honetan, soilik izan dugu praktika bat, bihar graduazioak direlako eta eskola 11.30etatik aurrera itxita egongo delako. Hori dela eta, hau izan da guk eginiko gaurko lana: teknografiak ez daudenez oraindik prestatuta, amaitu dugu sites-ean gauzak sartzen (bideoak) eta scoop it!- ean ere.

Horretaz gain, bidali diogu gure irakasleari sites-a eta blog-en helbideak, berak ikusi eta ebaluatu dadin. Azkenik, gure blogak osatu ditugu eta dokumentatzaileekin gauzak partekatu ditugu.

Seigarren astea

Hemen egin genuena izan zen amaitu ordenatzen sites-a eta bideo berriak sartu scoop-itean. Horretarako, lana banatu genuen errazago egiteko eta azkarrago. Horretaz gain, bideo berriak bilatu genituen eta hitz egin genuen teknografiari buruz, ez genekielako nola egin behar zen.

Praktiketako bigarren egunean, aldiz, bideo bat ikusi genuen aztertzeko nola zen hezkuntza eta IKTeak munduko beste toki batzuetan, eta nola, batera gauza handiak egin dezakete. Hona hemen bideoa:

http://www.ted.com/talks/sugata_mitra_the_child_driven_education?language=es

Bosgarren astea

Klase hauetan, gauza desberdinak egin genituen bi klaseetan. Lehenengo egunean, lan teorikoa amaitu genuenez, hasi ginen sites-ean kokatzen eta site-a pertsonalizatzen. Horrela, bakoitzak bere lana egin zuen: batek, ondorioak; beste batek, dena ordenatu, polita jarri eta bideoak sartu; bestea, informazioa sartzen; eta azkena, ondorioak egiten. Horrela, lortu genuen gure sites-a aurrera eramaten. Hau da guk eginiko sites-a:

Horretaz gain, bigarren egunean, hitz egin genuen hezkuntzak dituen arazoei buruz eta nola konpondu dezakegun. Gainera, ere aipatu genuen nola izan ahal zezaketen klaseak. Azkenik, scoop-it bat egin genuen:

Laugarren astea

Saio teorikoen etiketan esan dudanez, aste honetan modulu lanarekin hasi gara, eta hori dela eta, ez dugu klaserik izan. Hau dela eta, ez dugu sites-arekin jarraitu eta ez dugu lanik egin. Hala ere, pentsatu dut bideo bat jartzea hemen interesgarria izango zela.

Pasaden urtean, klasean jarri ziguten bideo bat oso interesgarria iruditu zitzaidana eta kontuan hartzeko nola den hezkuntza ere. Ez dut egin nahi sarrerarik, alde batetik, uste dudalako bideoa nahiko ongi azaltzen duela guztia, eta bestetik, oso ona delako.

Hirugarren astea

Klase honetan egin genuena izan zen taldeka hasi lana egiten. Sites bat egin behar genuen eta bertan hasi lan egiten,taldeka, noski. Baina, lanean geundenean, su-simulazioa egin zuten eta atera behar izan genuen klasetik. Hala ere, klasera bueltatu ginenean jarraitu genuen lan egiten.

Hurrengo klasean, aldiz, irakasleak esan zigun zein zen gure lana, zer egin behar genuen eta nola egin. Hala ere ez zigun askorik esan guk ere zerbait egiteko.

Klase hauek ondo egon ziren jakiteko zeintzuk ziren egin behar genituen proiektuak, antolatzeko gure artean eta murgiltzeko lan berrietan.

BIGARREN ASTEA

Klase hauetan ikasi duguna izan da nola sartzen diren bideoak eta argaziak blogaren barruan. Gainera, irakasleak denbora eman digu "trasteatzeko" eta blogean gauza berriak jartzeko, eta balio zaigu blogaren munduan gehiago sartzeko eta sortzen zaizkigun ideak plazaratzeko blogera.

LEHENENGO ASTEA

Praktikan bloga egin dugu. Hau egitea eta apurka-apurka hastea ondo iruditu zait, inbestigatzen hasteko. Hala ere, nahiz eta irakasleak askotan ez esan konkretuki zer egingo dugun (abantaila asko duena libreagoa delako, baina ere desabantailak dituena ez dakizulako batzuetan nondik bideratu lana), ondo deritzot guk inbestigatzea eta "trasteatzea".

Azkenik, esan behar dut, aste hau lasaia izan dela erritmoa hobeto hartzeko.